ഒരു നിമിഷം...

"നിധിയല്ല, മുടിയല്ല, മതമല്ല പ്രശ്നം... എരിയുന്ന, പൊരിയുന്ന വയറാണ് പ്രശ്നം..."

December 05, 2012

അസൂയക്കു മരുന്നില്ല...


കുറേ അതി വിപ്ലവകാരികൾ ഇറങ്ങിയിട്ടുണ്ട് ഫേസ് ബുക്കിലും ബ്ലോഗിലും മറ്റും. അവരുടെയും വി.മുരളീധരന്റെയും വാക്കുകൾക്ക് ഒരേ നിറം. സി.പി.എം. കേന്ദ്ര - സംസ്ഥാന സർക്കാരുകളുടെ ജനവിരുദ്ധ നയങ്ങൾക്കെതിരെ നടത്തിയ അഗ്നി ശ്രൃംഖല വൻ വിജയമായതു മുതൽ തുടങ്ങിയതാണ് ഈ കൃമികടി.
സി.പി.എം. അടുപ്പു കത്തിച്ചത് പൊങ്കാലയാണു പോലും...!!!
യാഗാഗ്നിയാണു പോലും ആ അടുപ്പുകളിൽ നിന്നും ഉയ്ർന്നത്....!!!
അല്ല മാഷന്മാരെ, നിങ്ങടെയൊക്കെ വീട്ടിൽ രാവിലെ കട്ടഞ്ചായ തിളപ്പിക്കാറില്ലെ? കുറച്ചു കഴിഞ്ഞാൽ അരിയിടാൻ വെള്ളം തിളപ്പിക്കാറില്ലെ?
ഇതൊക്കെ സാധാരണ മനുഷ്യന്മാർ ചെയ്യുന്ന കാര്യങ്ങളാണ്, എല്ലാ വീടുകളിലും. മനുഷ്യന്റെ വിശപ്പു മാറ്റാനുള്ള ആ സ്വാഭാവിക പ്രവർത്തനം നിന്നു പോകാതിരിക്കാനുള്ള പ്രതീകാത്മക സമരം മാത്രമാണു സി.പി.എം. നടത്തിയത്. അടുപ്പു കത്തിക്കുന്നതു മുഴുവൻ പൊങ്കാലയിടാൻ വേണ്ടിയാണെന്നു തോന്നുന്നുണ്ടെങ്കിൽ ചേട്ടന്മാർ നാളെ മുതൽ വീട്ടിൽ ഒരു ഇലക്ട്രിക് ഓവനോ കൈനറ്റൈസറോ വാങ്ങി വെക്ക്... അതുപയോഗിക്കാൻ  കറന്റില്ലെങ്കിൽ ഇൻവ്വെട്ടർ വാങ്ങി വെക്ക്.. എന്നിട്ടും പറ്റിയില്ലെങ്കിൽ സോളാർ എനെർജി ഉത്പാദിപ്പിക്ക്...
അതിനും പറ്റിയില്ലെങ്കിൽ രണ്ടു ദിവസം പട്ടിണി കിടക്ക്.. അപ്പോ മനസിലാകും അതു ജനങ്ങൾക്കു വേണ്ടി നടത്തിയ സമരമായിരുന്നു, പൊങ്കാല അല്ലായിരുന്നു എന്ന്.
എന്തായാലും ഞാനാ സമരത്തിൽ അടുപ്പു കത്തിച്ചത് ഒരു ദൈവത്തോടും പ്രാർത്ഥിച്ചോ ഒരു മതത്തിന്റെയും ആചാരപ്രകാരമൊ അല്ല, പക്ഷെ മനസ്സിൽ ഒരു ആഗ്രഹം - നിങ്ങളുടെ ഭാഷയിൽ പ്രാർത്ഥന എന്നു വേണേൽ വിളിച്ചോ - ഉണ്ടായിരുന്നു...
ഈ ജനവിരുദ്ധ സർക്കാരുകൾ പണ്ടാരമടങ്ങി പോകണേ എന്ന്...
ദൈവത്തോടല്ല, ഇന്നാട്ടിലെ ജനങ്ങളോട്.. വോട്ടർമാരോട്...

4 comments:

പട്ടേപ്പാടം റാംജി said...

ഇഷ്ടമില്ലാത്തച്ചി തൊടുന്നതിനെല്ലാം കുറ്റം. അത്ര തന്നെ.

ആറങ്ങോട്ടുകര മുഹമ്മദ്‌ said...

അതെ,അസൂയക്ക് മരുന്നില്ല.

Sandip said...

സത്യം പറഞ്ഞാല്‍ ഇത് CPI യുടെ അസൂയ ആണ്. അവരാണ് ഈ ഐതിഹാസിക സമരത്തെ പൊങ്കാല എന്ന് പറഞ്ഞു ആക്ഷേപിച്ചത്

Sandip said...
This comment has been removed by the author.
Related Posts Plugin for WordPress, Blogger...
എല്ലാ രോഗങ്ങള്‍ക്കുമുള്ള ഒറ്റമൂലി... സൗഹൃദം