ഒരു നിമിഷം...

"നിധിയല്ല, മുടിയല്ല, മതമല്ല പ്രശ്നം... എരിയുന്ന, പൊരിയുന്ന വയറാണ് പ്രശ്നം..."

June 20, 2013

പോളിയോയും ഹോമിയോയും

ഇന്നത്തെ (20.06.2013) മാധ്യമം ദിനപ്പത്രത്തില്‍ വന്ന ഒരു വാര്‍ത്ത...


സ്വന്തം പ്രവര്‍ത്തനത്തിലെ പാളിച്ചകള്‍ മറ്റുള്ളവര്‍ക്ക് മേല്‍ കെട്ടി വെച്ച് രക്ഷപ്പെടുന്നവരോടും അതിനു അനാവശ്യ പ്രചാരണങ്ങൾ നൽകി സ്വന്തം പങ്കു മറച്ചു വെക്കുന്നവരോടും ചില ചോദ്യങ്ങള്‍...

1. കേരളത്തില്‍ മലപ്പുറം മാത്രമാണോ ഹോമിയോപ്പതി ഡോക്ടര്‍മാര്‍ ഉള്ള ഒരേ ഒരു ജില്ല?
2. മലപ്പുറത്തേക്കാള്‍ കൂടുതല്‍ ഹോമിയോപ്പതി ഡോക്ടര്‍മാര്‍ ഉള്ള നിരവധി ജില്ലകള്‍ കേരളത്തില്‍ ഉണ്ടായിട്ടും മലപ്പുറത്ത്‌ മാത്രം പ്രതിരോധ കുത്തിവെപ്പ് സംവിധാനം തകരാറിലാകുന്നത് ഹോമിയോപ്പതി ഡോക്ടര്‍മാരുടെ പ്രചാരണം മൂലമാണെന്ന് പറയുന്നത് ബാലിശമല്ലേ?
3. മലപ്പുറം ജില്ലയില്‍ എല്ലാവരും ഹോമിയോപ്പതി ഡോക്ടര്‍മാര്‍ പറയുന്ന കാര്യങ്ങള്‍ മാത്രം അനുസരിച്ച് ജീവിക്കുന്നവര്‍ ആണെങ്കില്‍ മലപ്പുറത്ത്‌ ഏറ്റവും കൂടുതല്‍ രോഗികള്‍ ആശ്രയിക്കുന്ന വൈദ്യശാസ്ത്ര ശാഖ ഹോമിയോപ്പതി ആണെന്ന് നിങ്ങള്‍ സമ്മതിക്കുകയാണോ?
4. ഇന്‍റര്‍നെറ്റില്‍ പ്രതിരോധ കുത്തിവെപ്പിന് അനുകൂലമായ നിരവധി വസ്തുതകള്‍ ഉണ്ടെന്നിരിക്കെ "വിദ്യാസമ്പന്നരായ അമ്മമാര്‍" പ്രതികൂലമായ വാര്‍ത്തകള്‍ മാത്രം തെരഞ്ഞുപിടിച്ച് വായിച്ച് അതില്‍ നിന്ന് പിന്മാറുന്നു എന്നത് വിദൂര സാധ്യതയല്ലേ?
5. അമ്മമാര്‍ വിദ്യാസമ്പന്നരായതാണ് കുത്തിവെപ്പെടുക്കുന്നവരുടെ എണ്ണത്തില്‍ വരുന്ന കുറവിനു കാരണമെങ്കില്‍ ഇത് വരെ വിദ്യാഭ്യാസമില്ലാത്ത അമ്മമാരെ തെറ്റിദ്ധരിപ്പിച്ച് അവരുടെ അജ്ഞത മുതലെടുത്താണ് കുത്തിവെപ്പ് എടുപ്പിച്ചിരുന്നത് എന്നൊരു ധ്വനിയില്ലേ?
6. അലോപ്പതി പാര്‍ശ്വഫലം ഉണ്ടാക്കും എന്നത് ഹോമിയോപ്പതി ഡോക്ടര്‍മാര്‍ നടത്തുന്ന പ്രചാരണം മാത്രമാണോ അതോ അവയിൽ നിന്നൊന്നും യാതൊരു പാർശ്വഫലവും ഉണ്ടാകുന്നില്ലെന്ന് നിങ്ങള്‍ക്കുറപ്പുണ്ടോ?
7. വാക്സിന്‍ നല്‍കേണ്ടെന്ന് ഹോമിയോപ്പതി ഡോക്ടര്‍മാരൊന്നും പറയാറില്ല. എന്നാല്‍ ഹോമിയോപ്പതി മരുന്നുകള്‍ കൊടുക്കണം എന്ന് അലോപ്പതി ഡോക്ടര്‍മാര്‍ പറയാത്തിടത്തോളം കാലം വാക്സിന്‍ നല്‍കണം എന്ന് ഹോമിയോപ്പതി ഡോക്ടര്‍മാരും പറയേണ്ട ആവശ്യം ഇല്ലല്ലോ?
8. HI, JHI, JPHN, ആശാ പ്രവര്‍ത്തകര്‍ തുടങ്ങിയവരെല്ലാം അലോപ്പതി വകുപ്പിന്‍റെ കീഴിലുള്ള ജീവനക്കാരാണോ? ആയുഷ് വകുപ്പ് കേരളത്തില്‍ ഇല്ലാത്ത സ്ഥിതിക്ക് അവര്‍ മൊത്തം ആരോഗ്യവകുപ്പിന്റെ ജീവനക്കാര്‍ അല്ലെ? അപ്പോള്‍ അവര്‍ ഗൃഹ സന്ദര്‍ശന വേളയിലും ബോധവല്‍ക്കരണ ക്ലാസിലും പനിക്കും മറ്റു രോഗങ്ങള്‍ക്കും പി.എച്ച്.സിയിലും സി.എച്ച്.സി.യിലും മറ്റും മാത്രം പോകാന്‍ പറയുന്നതെന്തുകൊണ്ട്? ഹോമിയോ-ആയുർവേദ വിഭാഗങ്ങള്‍ക്ക് വേണ്ടി പണം ചെലവഴിക്കുന്നതും സര്‍ക്കാര്‍ തന്നെയല്ലേ?
9. ഏതു മത സംഘടനയുടെ ആളുകളാണ് എതിര്‍പ്രചാരണം നടത്തുന്നത് എന്ന് ആരോഗ്യവകുപ്പ് വ്യക്തമായി പറയാത്തതാണോ അതോ അത് മാധ്യമം മറച്ചു വെച്ചതാണോ?
10. ഈ വാര്‍ത്ത (ഹോമിയോ ഡോക്ടര്‍മാര്‍ കാരണമാണ് പ്രതിരോധ കുത്തിവെപ്പ് മലപ്പുറത്ത്‌ വിജയിക്കാത്തത് എന്നത്) ആരോഗ്യവകുപ്പ് അധികൃതര്‍ ഔദ്യോഗികമായി പത്രക്കുറിപ്പ് ഇറക്കിയതോ സ്വകാര്യമായി പ്രചരിപ്പിക്കുന്നതോ അതോ മാധ്യമം ലേഖകന്‍ മനോധര്‍മ്മം പ്രയോഗിച്ചതോ?


തുടര്‍ച്ച:
മാധ്യമം  പത്രത്തില്‍ 23/06/2013ന് ഈ പ്രതികരണം പ്രസിദ്ധീകരിച്ചു...


4 comments:

ഡോ.ആര്‍ .കെ.തിരൂര്‍ II Dr.R.K.Tirur said...

സ്വന്തം പ്രവര്‍ത്തനത്തിലെ പാളിച്ചകള്‍ മറ്റുള്ളവര്‍ക്ക് മേല്‍ കെട്ടി വെച്ച് രക്ഷപ്പെടുന്നവരോടും അതിനു അനാവശ്യ പ്രചാരണങ്ങൾ നൽകി സ്വന്തം പങ്കു മറച്ചു വെക്കുന്നവരോടും ചില ചോദ്യങ്ങള്‍...

ബഷീർ said...

വായിച്ചു

Dr Rajesh Kumar said...

ചോദ്യം 5 വളരെ നന്നായി .ഒന്ന് കൂടി ചോദിക്കാമായിരുന്നു അച്ഛന്മാര്‍ വിദ്യാ സമ്പന്നര്‍ അല്ലെ എന്ന്

ആറങ്ങോട്ടുകര മുഹമ്മദ്‌ said...

ഹോമിയോപ്പതി ചികിത്സയെക്കുറിച്ച് ഇനിയും എഴുതുക..

Related Posts Plugin for WordPress, Blogger...
എല്ലാ രോഗങ്ങള്‍ക്കുമുള്ള ഒറ്റമൂലി... സൗഹൃദം