ഒരു നിമിഷം...

"നിധിയല്ല, മുടിയല്ല, മതമല്ല പ്രശ്നം... എരിയുന്ന, പൊരിയുന്ന വയറാണ് പ്രശ്നം..."

September 02, 2013

വയസ്സിലെ കുരുക്ക്

ഡോക്ടർമാരോടും വക്കീലന്മാരോടും നുണ പറയരുതെന്നാ പ്രമാണം. പക്ഷേ...

**********************************************************
ഡോക്ടർ : പേര്?
രോഗി(ണി) : ------
ഡോക്ടർ : വയസ്സ്?
രോഗി(ണി) : 21
ഡോക്ടർ : എന്താ പ്രശ്നം?
രോഗി(ണി) : പള്ള കാളിച്ച
ഡോക്ടർ : എത്ര കാലമായി തുടങ്ങിയിട്ട്?
രോഗി(ണി) : പത്തു കൊല്ലത്തിലധികമായി
ഡോക്ടർ : ഓ, അപ്പോ ചെറിയ ക്ലാസിൽ പഠിക്കുമ്പോ തന്നെ തുടങ്ങിയിരുന്നു, അല്ലേ?
രോഗി(ണി) : ഇല്ല, ആദ്യത്തെ പ്രസവത്തിന്റെ ശേഷം തുടങ്ങിയതാ..
ഡോക്ടർ : (ഒന്നു വാ പൊളിച്ചിരുന്ന ശേഷം) 11 വയസ്സിലാണോ പ്രസവിച്ചത്?
രോഗി(ണി) : (ചിരി മാത്രം)

കൂടെ വന്ന ഉമ്മ : ഡോക്ടറെ, ഓൾക്ക് 31 വയസായിക്കിണ്...
(രോഗിയോട്) ഇജ്ജെന്തിനാടീ ബയസ്സ് കൊറച്ച് പറീന്നത്? ഇബടാരെങ്കിലും അന്നെ പെണ്ണ് കാണാൻ ബന്നിക്കിണാ?

************************************************************
മരുന്നു കൊടുത്ത ശേഷം
ഉമ്മ : ഡോക്ടറെ, ഇനിക്കും കാണിച്ചണം...
ഡോക്ടർ : പേര്?
ഉമ്മ : ‌---------
ഡോക്ടർ : വയസ്സ്?
ഉമ്മ : 40

************************************************************
പക്ഷേ, വയസ്സു ചോദിച്ചാൽ ഡോക്ടർമാരോടും ധൈര്യമായി നുണ പറയാം.

9 comments:

ഡോ. പി. മാലങ്കോട് said...


ഗുണപാഠം: പുരുഷന്റെ ശമ്പളം എത്ര എന്ന് ചോദിച്ചാലും, സ്ത്രീയുടെ വയസ്സ് എത്ര എന്ന് ചോദിക്കരുത് - ഡോക്ടർ ആയാലും. അല്ലാതെതന്നെ അത് മനസ്സിലാക്കാൻ ഒരു ടെസ്റ്റ്‌ നിലവിൽ വരട്ടെ. ഇതിലേക്കായി വക്കീലിന് വേണമെങ്കിൽ ഡോക്ടറുടെ സഹായം തേടാം. അല്ലാ പിന്നെ. :)

Kalavallabhan said...

"അത് മനസ്സിലാക്കാൻ ഒരു ടെസ്റ്റ്‌ നിലവിൽ വരട്ടെ. "
ടെസ്റ്റ്‌ ചെയ്യാൻ മേഷീനില്ലാതെ ഇപ്പോൾ ഡോക്ടർമാർക്ക്‌ ഒന്നും ചെയ്യാൻ കഴിയില്ലല്ലോ അല്ലേ

ഡോ. പി. മാലങ്കോട് said...

അല്ലാതെ തന്നെ മനസ്സിലാക്കാം സുഹൃത്തെ. ഒരു കൃത്യമായ കാര്യത്തിനു ടെസ്റ്റ്‌ നല്ലത് എന്ന് മാത്രം. തെര്മോമീറ്റർ, സ്റെറത്ത്, ബിപി ഡിവൈസ് എന്നിവയൊക്കെ പോലെ. സന്ദർഭവശാൽ, പറയട്ടെ:
ഒരു രോഗി ഡോക്റ്ററെ ചെന്ന് കണ്ടു. ഡോക്റ്റർ ചോദിച്ചു : പറയൂ, എന്താ വിഷമം.
ഡോക്റ്റർ: ഇതെന്തു ടോക്ട്ടരാ, ഞാൻ രോഗി, എന്താ രോഗം എന്ന് പറയാതെ മനസ്സിലാക്കെണ്ടാതല്ലേ??? ഞാനായി ഒന്നും പറയില്ല. :)

ajith said...

ഹഹഹ
ചിലര്‍ക്ക് രണ്ടുവര്‍ഷം കൂടുമ്പോഴാണ് ഒരു വയസ്സ് കൂടുന്നത്

മുഹമ്മദ്‌ ആറങ്ങോട്ടുകര said...

ഇത് പഞ്ചാരഗുളിക തന്നെ.കളിയും കാര്യവും.

ഇസ്മായില്‍ കുറുമ്പടി (തണല്‍) shaisma@gmail.com said...

അപ്പോത്തിക്കിരി ആയാലും സ്ത്രീകളോട് വയസ്സ് ചോദിയ്ക്കാന്‍ പാടുണ്ടോ? യഥാര്‍ത്ഥ വയസ്സ് സ്ത്രീകള്‍ പറഞ്ഞ ചരിത്രം ഉണ്ടോ ?
(ഡോക്ടര്‍ക്കിപ്പോ എത്ര വയസ്സായി ?)

ഇസ്മായില്‍ കുറുമ്പടി (തണല്‍) shaisma@gmail.com said...

:)

majeed alloor said...

വയസ്സറിയിച്ചു
അഥവാ
വയസ്സായി...!

ഡോ.ആര്‍ .കെ.തിരൂര്‍ II Dr.R.K.Tirur said...

എനിക്കു 33 വയസ്സായി ഇസ്മയിൽജീ...

Related Posts Plugin for WordPress, Blogger...
എല്ലാ രോഗങ്ങള്‍ക്കുമുള്ള ഒറ്റമൂലി... സൗഹൃദം