ഡോക്ടർമാരോടും വക്കീലന്മാരോടും നുണ പറയരുതെന്നാ പ്രമാണം. പക്ഷേ...
**********************************************************
ഡോക്ടർ : പേര്?
രോഗി(ണി) : ------
ഡോക്ടർ : വയസ്സ്?
രോഗി(ണി) : 21
ഡോക്ടർ : എന്താ പ്രശ്നം?
രോഗി(ണി) : പള്ള കാളിച്ച
ഡോക്ടർ : എത്ര കാലമായി തുടങ്ങിയിട്ട്?
രോഗി(ണി) : പത്തു കൊല്ലത്തിലധികമായി
ഡോക്ടർ : ഓ, അപ്പോ ചെറിയ ക്ലാസിൽ പഠിക്കുമ്പോ തന്നെ തുടങ്ങിയിരുന്നു, അല്ലേ?
രോഗി(ണി) : ഇല്ല, ആദ്യത്തെ പ്രസവത്തിന്റെ ശേഷം തുടങ്ങിയതാ..
ഡോക്ടർ : (ഒന്നു വാ പൊളിച്ചിരുന്ന ശേഷം) 11 വയസ്സിലാണോ പ്രസവിച്ചത്?
രോഗി(ണി) : (ചിരി മാത്രം)
കൂടെ വന്ന ഉമ്മ : ഡോക്ടറെ, ഓൾക്ക് 31 വയസായിക്കിണ്...
(രോഗിയോട്)
ഇജ്ജെന്തിനാടീ ബയസ്സ് കൊറച്ച് പറീന്നത്? ഇബടാരെങ്കിലും അന്നെ പെണ്ണ് കാണാൻ
ബന്നിക്കിണാ?
************************************************************
മരുന്നു കൊടുത്ത ശേഷം
ഉമ്മ : ഡോക്ടറെ, ഇനിക്കും കാണിച്ചണം...
ഡോക്ടർ : പേര്?
ഉമ്മ : ---------
ഡോക്ടർ : വയസ്സ്?
ഉമ്മ : 40
************************************************************
പക്ഷേ, വയസ്സു ചോദിച്ചാൽ ഡോക്ടർമാരോടും ധൈര്യമായി നുണ പറയാം.
8 comments:
ഗുണപാഠം: പുരുഷന്റെ ശമ്പളം എത്ര എന്ന് ചോദിച്ചാലും, സ്ത്രീയുടെ വയസ്സ് എത്ര എന്ന് ചോദിക്കരുത് - ഡോക്ടർ ആയാലും. അല്ലാതെതന്നെ അത് മനസ്സിലാക്കാൻ ഒരു ടെസ്റ്റ് നിലവിൽ വരട്ടെ. ഇതിലേക്കായി വക്കീലിന് വേണമെങ്കിൽ ഡോക്ടറുടെ സഹായം തേടാം. അല്ലാ പിന്നെ. :)
"അത് മനസ്സിലാക്കാൻ ഒരു ടെസ്റ്റ് നിലവിൽ വരട്ടെ. "
ടെസ്റ്റ് ചെയ്യാൻ മേഷീനില്ലാതെ ഇപ്പോൾ ഡോക്ടർമാർക്ക് ഒന്നും ചെയ്യാൻ കഴിയില്ലല്ലോ അല്ലേ
അല്ലാതെ തന്നെ മനസ്സിലാക്കാം സുഹൃത്തെ. ഒരു കൃത്യമായ കാര്യത്തിനു ടെസ്റ്റ് നല്ലത് എന്ന് മാത്രം. തെര്മോമീറ്റർ, സ്റെറത്ത്, ബിപി ഡിവൈസ് എന്നിവയൊക്കെ പോലെ. സന്ദർഭവശാൽ, പറയട്ടെ:
ഒരു രോഗി ഡോക്റ്ററെ ചെന്ന് കണ്ടു. ഡോക്റ്റർ ചോദിച്ചു : പറയൂ, എന്താ വിഷമം.
ഡോക്റ്റർ: ഇതെന്തു ടോക്ട്ടരാ, ഞാൻ രോഗി, എന്താ രോഗം എന്ന് പറയാതെ മനസ്സിലാക്കെണ്ടാതല്ലേ??? ഞാനായി ഒന്നും പറയില്ല. :)
ഹഹഹ
ചിലര്ക്ക് രണ്ടുവര്ഷം കൂടുമ്പോഴാണ് ഒരു വയസ്സ് കൂടുന്നത്
ഇത് പഞ്ചാരഗുളിക തന്നെ.കളിയും കാര്യവും.
അപ്പോത്തിക്കിരി ആയാലും സ്ത്രീകളോട് വയസ്സ് ചോദിയ്ക്കാന് പാടുണ്ടോ? യഥാര്ത്ഥ വയസ്സ് സ്ത്രീകള് പറഞ്ഞ ചരിത്രം ഉണ്ടോ ?
(ഡോക്ടര്ക്കിപ്പോ എത്ര വയസ്സായി ?)
വയസ്സറിയിച്ചു
അഥവാ
വയസ്സായി...!
എനിക്കു 33 വയസ്സായി ഇസ്മയിൽജീ...
Post a Comment